Instrutivo, esteticamente moi potente, alentador, desafiante e divertido. "Francine se desarregla" é un libro que documenta un combate persoal e ábrenos os ollos a un tema con profundas implicacións sociais. Escribíronse centos de libros sobre os grandes cambios hormonais que se producen nunha muller durante a puberdade e o embarazo. Pero da menopausa, o terceiro dos cambios, nunca ninguén se ocupou en profundidade, de modo que cando a Francine Oomen lle chegou a hora de experimentala, os síntomas tendéronlle algo parecido a unha emboscada en forma de sufocacións, alteracións bruscas de humor e ata flaccidez. O resultado da súa dura loita son estas magníficas memorias gráficas.