Achégase o Nadal en Estocolmo e a cidade énchese de luces, abetos e panxoliñas. Pero algo sinistro está a piques de suceder: ao mesmo tempo que un membro do ministerio sueco está a ser ameazado dunha forma macabra, unha pila de ósos de aspecto misterioso é achada nas vías de metro abandonado da cidade, e todo apunta que pertencen a un importante financeiro.
A investigadora Mina Dabiri e os seus compañeiros do departamento de Homicidios da policía de Estocolmo, aínda en shock tras os tráxicos acontecementos do verán pasado, veranse postos a proba de novo. Cando as pistas empezan a escasear, Mina decide recorrer, unha vez máis, ao mentalista Vincent Walder. El, á súa vez, loita incansablemente contra os seus propios demos. Que ou quen se esconde nos túneles nas profundidades de Estocolmo? E, o máis importante, con que motivo?